quinta-feira, 27 de junho de 2013

Sposiçon de Pintura “Bózios de las Raízes”de Alcina Pires

“Bózios de las Raízes” é o nome da exposição de pintura que vai estar patente na Casa da Cultura de Miranda do Douro, a partir do dia de 5 julho até ao dia 30 de Agosto. Esta é uma mostra de pintura da mirandesa Alcina Pires e retrata o Planalto Mirandês.
BIOGRAFIE
Alcina Pires naciu an 1953, an Malhadas, Miranda de l Douro, tenendo bibido zde nina, an Zenízio, adonde fizo la scuola i ajudaba ls sous pais na laboura i na lida de la casa. L mirandés fui la lhéngua que falou anté antrar pa la scuola, passando a ser apuis bilhingue. 
Studou an Bergáncia i acabou de se formar an porsora an 1975. Dou scuola a ninos l mais de l tiempo an Lisboa, adonde bibe. Yá reformada, debide l sou tiempo antre Lisboua i Zenízio, antre la pintura i la scrita an mirandés. Tubo siempre ua fuorte lhigaçon a las sues raízes i a la lhéngua mirandesa. An Agosto de 2011 publicou un lhibrico an mirandés, “Lucrécia Cunta-mos Cumo Era”, de cuontas passadas cun eilha an nina. 
Cun la sue pintura an giral i cun esta sposiçon, “Bózio de las Raízes”, Alcina Pires amostra la maneira simples de ser i de bibir de l pobo mirandés ne ls anhos 50/60 de l seclo passado, que lhuitaba cun toda la gana, de sol a sol, pul sou sustento. Cuida que ye sou deber passar pa la tela essas mimórias i assi oumenagiar la giente que la biu nacer i medrar, passando essa cultura pa las giraçones feturas. Pinta zde 1989 i, al lhargo destes anhos fizo bárias sposiçones. 
Sposiçones coletibas:
Outel Roma, Espaço Chiado - Lisboua (1994); Oufecinas de Almada, Stufa Frie, freguesie de Santa Marie de ls Oulibales-Lisboua (1995); Estufa Frie i Outel Roma (anternacionales)-Lisboua (1997/1998); Fórun Lisboua- Lisboua (Anternacional), Museu de l´Auga, Restourante Búfalo Gril ne l Jardin Zuloigico (die de ls anhos de la Casa de Trás ls Montes) - Lisboua, Associaçon Frauga, an Picote - Miranda de l Douro (2009); Estufa Frie, Museu de l´ Auga, Oulibais, Shoping Oulibais, Casa de l Alenteijo (die de ls anhos de la Casa de Trás ls Montes)- Lisboua (2000); Ne l III Cungresso de Trás ls Montes i Alto Douro, Centro Cultural i Norte Caça - Bergáncia, Junta de Freguesie de la Portela ( die de ls anhos de la Casa de Trás ls Montes)- Lisboua (2002); Casa de Trás ls Montes - Lisboua (2011). 
Sposiçones andebiduales:
Ne l Centro Cultural na Bergáncia, Clube Recriatibo de l Sargento de l´ Armada (CRSA) -Almada (1994); CRSA, Alfama -Lisboua (1995); Centro Comercial de Lumiar - Lisboua (1996); Museu de la Tierra de Miranda(1998); Museu Lhagar, Zenísio, Miranda do Douro (2001); Casa de Trás ls Montes an Lisboua (2003); Clube Residencial S. Miguel Lisboa (2008);Casa de la Cultura Mirandesa, Miranda de l Douro (2013). 
Amadeu Ferreira
“Quando fago la cuntemplaçon de ls quados de Alcina Pires, you fago ua biaige bien lharga. Ua biaige chena de magie, zlhumbrante nas quelores i amistosa na sue cumposiçon. Nesta andada deixei-me lhebar pul ancanto sien teimas nien canseiras, squeci-me de las demoras, stube nun tiempo bien dantes, nun dei pulas defréncias, anque nada me ye andefrente. Se la pintora bota ne ls sous trabalhos l que le bai n’alma i ne l sprito, i deixa ua mensaige cumo l fai l scritor quando agarra na fuolha de papel i ne l lhápeç lhebando l lheitor pa l mundo mágico, estes quadros que Alcina pintou tubírun la birtude de me lhebar para esses sítios, par’aquel mundo de la mie anfáncia i de ls mius suonhos.
Dezir-te muito oubrigado ye pouco, porque nun hai nada que pague l çpertar de las nuossas recordaçones adrumecidas, nun hai nada que pague l’alegrie i sastisfaçon destes momientos.
Mas puodo dezir-te que l tou don de seres capaç de trasportar todo este sentimiento buono pa la tela ye ua grande birtude. Yá lhiebas ua buona jornada nesta arte de pintar, nun pares que l camino solo se fai andando, i l que stás fazendo ye dun balor eilebado.
Yá hoije muitos de ls tous quadros se rebélan registros de l que fui la bida de las gientes ne l praino mirandés, you tengo la certeza que estes séran ls teçtemunhos adonde las feturas geraçones se puoden agarrar para coincer l passado. Nun ls registrar serie algo que naide iba a perdonar. Quando trabalhas nesta arte stás a deixar ua riqueza tamanha que naide sabe l précio nien la sue dimenson. Bien haias pula cuntribuiçon que dás a la cultura i a l’arte.”

in:noticiasdonordeste.com

Sem comentários:

Enviar um comentário